ТЭМҮЖИН ЗУСЛАН

Тэмүжин зуслан

Тэмүжин зуслан нь зөвхөн 16 настай хүүхдүүдэд зориулсан Монголын өв соёл, түүх, нүүдэлчин ахуй амьдрал, урлаг соёл зэргээс үндэслэн гаргасан сорилтот үйл ажиллагаагаар дамжуулан амьдрах ур чадварийн хөтөлбөр явуулдаг.

Яагаад 16 нас вэ?

Өсвөр нас тэр дундаа 16 насанд иргэний үнэмлэхээ гардан авч Монгол улсын иргэн, бие хүн болон төлөвших гараа албан ёсоор эхэлдэг. Бид энэ үеэс эхлэн амьдралын хамгийн чухал шийдвэрүүдийн нэг болох ирээдүйд хэн байх? Ямар мэргэжил сонгох талаар илүү нухацтай бодож эхэлдэг хамгийн чухал үе гэж хэлж болно. Энэ утгаараа 16 настай хүүхдүүдийг онцолж байна.

Тэмүжин зуслангийн зорилго

• Өөрийгөө таньж мэдэн, бусадтай эерэг харилцаатай байх бие хүний зан төлөвшлийг эзэмших
• Өөрийгөө сорьж, хязгаараа давж үзэх
• Бие даан амьдрах, сонголт хийх, асуудал шийдэх ур чадварт суралцах
• Багийн ажиллагааны ур чадварт суралцах

Хүчин чадал

Манай зуслан 1 ээлжиндээ 60 хүүхэд хүлээн авах хүчин чадалтай ба 3 - 5 хүүхдийн багтаамж бүхий 12-15 монгол гэр, 60 хүүхэд хүлээн авах ресторан, боловсон нойл дууш, хичээлийн танхим, спорт талбай байдаг.

Байршил

Төв аймгийн Батсүмбэр сумын нутаг Хэнтий нурууны баруун өмнөд салбар уулсд, далайн түвшнээс дээш 1200м өндөрт, Түшээ гүн, Баянголын үзэсгэлэнт хөндийд, Улаанбаатар хотоос 75км зайд байрладаг бөгөөд эргэн тойронд төрөл бүрийн ургамал ойгоор бүрхэгдсэн, байгалийн үзэсгэлэнт газарт оршдог.