Dream Camp | Other

ЭЦЭГ ЭХ, АСРАН ХАМГААЛАГЧ БАРИМТЛАХ ЖУРАМ

  • shape
  • shape
  • shape

"Мөрөөдөл" ОУ-ын хүүхдийн зуслангийн захиралын

2022 оны 5-р сарын 25-ны өдрийн 01 тоот тушаалын хавсралт 3

БАТЛАВ/ЗАХИРАЛ:.........................................

МӨРӨӨДӨЛ ЗУСЛАНГИЙН АМРАГЧ ХҮҮХДҮҮДИЙН

ЭЦЭГ ЭХ, АСРАН ХАМГААЛАГЧ БАРИМТЛАХ ЖУРАМ

 

НЭГ. НИЙТЛЭГ ҮНДЭСЛЭЛ

  1. Энэхүү журам нь Мөрөөдөл олон улсын хүүхдийн зуслан (цаашид “зуслан” гэх) болон амрагч хүүхдийн эцэг эх, асран хамгаалагч /цаашид “эцэг, эх” гэх/ нарын хоорондын харилцааг зохицуулахад оршино.

  2. Энэхүү журамтай танилцсан эцэг эх бүртгэлийн хуудаст гарын үсэг зурж баталгаажуулснаар тус журамд заасан эрх, үүргийг хэрэгжүүлнэ.

 

ХОЁР. ЭЦЭГ ЭХИЙН ЭРХ

  1. Эцэг эх нь эрүүл, аюулгүй орчинд хүүхдээ амраах эрхтэй.

  2. Эцэг эх нь зусланд хүүхдээ амруулахад шаардлагатай мэдээллийг зуслангаас авах эрхтэй.

  3. Хүүхдийг аюулгүй, эрүүл орчинд амарч байгаад хяналт тавих, эргэж очих.

  4. Зуслангийн захиргаа, багш, ажилтнуудад хүүхдийн эрүүл ахуй, журмаар хүлээсэн үүргийн хүрээнд зүй ёсны шаардлага тавих, зуслангийн үйл ажиллагааны талаар санал, гомдлоо бичгээр гаргаж шийдвэрлүүлэх эрхтэй.

ГУРАВ. ЭЦЭГ ЭХИЙН ҮҮРЭГ

  1. Амрагч хүүхдийн эрүүл мэнд, зан чанарын онцлог, аливаа зуршлын талаар үнэн зөв мэдээллийг зуслангийн холбогдох ажилтанд өгөх үүрэгтэй.

  2. Хүүхдээ тус зусланд амруулахтай холбоотой эрүүл мэндийн шинжилгээг хийлгэх, төлбөрийг тус ээлж эхлэхээс өмнө төлөх, хүүхдийн хувийн бэлтгэлийг хангаж өгөх, зусланруу явах, ирэх товлосон цаг, газарт хүргэж өгөх, авах үүрэгтэй.

  3. Онц шаардлагагүй бол хүүхдэд үнэ бүхий зүйлийг өгч явуулахгүй байх үүрэгтэй. /гар утас, зургийн аппарат, алт мөнгө, үнэт эдлэл/ Үүнтэй холбоотой гарсан аливаа зүйлийг  зуслангийн захиргаа хариуцахгүй.

  4. Эргэлтээр ирэхдээ зөвшөөрөгдсөн цэгт уулзах, хүүхдэд эрүүл ахуйн шаардлага хангахгүй бараа бүтээгдэхүүн авч ирэхгүй байх.

  5. Тухайн хүүхдийн буруутай үйлдэл, үйл ажиллагаанаас зусланд болон бусад амрагч хүүхдэд учруулсан  хохирлыг барагдуулах үүрэгтэй. /тухайн үеийн зах зээлийн ханшаар бодож тооцно/ 

  6. Зуслангийн холбогдох бусад дүрэм журамтай танилцах, зуслангаас тавьж буй зүй ёсны шаардлагыг биелүүлэх.