АМРАГЧИЙН БАРИМТЛАХ ЖУРАМ

"Мөрөөдөл" ОУ-ын хүүхдийн зуслангийн захиралын

2022 оны 5-р сарын 25-ны өдрийн 01 тоот тушаалын хавсралт 2

БАТЛАВ/ЗАХИРАЛ:.........................................

АМРАГЧИЙН БАРИМТЛАХ ЖУРАМ

 

НЭГ. НИЙТЛЭГ ҮНДЭСЛЭЛ

1. Энэхүү дүрэм нь Мөрөөдөл зусланд амрах, чөлөөт цагаа зөв боловсон өнгөрүүлэхтэй холбоотой амрагчийн эдлэх эрх, хүлээх үүрэг хариуцлагыг зохицуулахад оршино. 

2. Мөрөөдөл зуслангийн тус дүрэмтэй танилцсанаар амрагч нь дагаж мөрдөх үүрэг хүлээнэ.

3. Энэхүү дүрмийг амрагчийн байрлаж буй өрөөний хана, хаалга зэрэг амрагч саадгүй, шууд харах, ил газар байршуулна.

 

ХОЁР. АМРАГЧИЙН ЭРХ, ҮҮРЭГ

1. Амрагч нь дараах үүргийг хэрэгжүүлнэ. Үүнд:

   1. Амралт эхлэхэд өрөө болон эд зүйлсийг хүлээн авах, амралт дуусахад холбогдох журмын дагуу хүлээлгэн өгөх.

   2. Амралт эхлэхэд барьцааны 5000 /таван мянган/ төгрөгийг зусланд өгөх бөгөөд энэ нь зуслангийн эд зүйлс гэмтээх тохиолдолд суутгагдана.

   3. Амрагч нь зусланд амрах хугацаанд гар утас болон үнэт зүйлсээ зуслангийн оффисд хадгалуулж, зуслан дуусахад буцааж авна.

   4. Мөрөөдөл олон улсын хүүхдийн зуслангийн хөтөлбөрийн цагийн хуваарийн дагуу бүлгийн багшийн удирдлаган дор аливаа үйл ажиллагаа, уралдаан тэмцээнд оролцох.

   5. Зусланд мөрдөгдөх дүрэм журмыг чанд сахин мөрдөх. 

   6. Байгаль орчноо хайрлаж, зуслангийн эд хогшлыг ариг гамтай хэрэглэх, цахилгаан дамжуулах хэрэгслүүд /гэрлийн унтраалга, цахилгааны утас, разетка зэрэг/-тэй болгоомжтой  харьцах, нэг разетганд салаалагчаар дамжуулан хэд хэдэн цахилгаан хэрэгсэл залгахгүй байх.

   7. Зуслангийн багш болон бусад амрагч хүүхдүүдтэй зөв боловсон, хүндэтгэлтэй харилцах.

2. Амрагч нь дараах эрхийг эдэлнэ. Үүнд: 

   1. Эрүүл, баталгаатай хоол хүнсээр хангуулах.

   2. Ая тухтай, аюулгүй орчинд амрах.

   3. Өөрийн бие нас, хүйсний онцлогт тохирсон арга хэмжээ, хөтөлбөрт оролцох.

   4. Зуслангийн үйл ажилагааны талаар санал, хүсэлт, гомдлоо зуслангийн захиргаанд тавих, шийдвэрлүүлэх.

   5. Амралт дуусахад эд хогшилд эвдрэл гэмтэл гаргаагүй тохиолдолд барьцааг буцаан авах.

   6. Зуслангийн багш, ажилтны ёс суртахуун, буруутай аливаа үйлдлийн талаар үзэл бодлоо илэрхийлэх, зуслангийн захиргаанд мэдэгдэх.

3. Дараах үйлдлийг хориглоно. Үүнд:

   1. Зуслангийн эд зүйлс/хөнжил, гудас, ор, дэр, бүтээлэг/-ийг гадагш авч гарах мөн бусад өрөөнүүдэд аваачиж тавих, солих, ашиглах. 

   2. Ил гал гаргахыг хатуу хориглоно.

   3. Зусланд архи, тамхи бусад хор учруулах хүнс, барааны зүйлс хэрэглэх.

   4. Зуслангийн удирдлага, багшийн зөвшөөрөлгүйгээр дур мэдэн зуслангийн нутаг дэвсгэр буюу хашаанаас гарч явах /ой мод , гол ус руу явах/ 

   5. Бусдын ая тухыг алдагдуулах /чанга хашгирч, орилох, зодолдох зэрэг/

   6. Орчноо бохирдуулах /Ил задгай бие засах, хог хаягдлыг зориулалтын бус газар ил хаях/

   7. Өрөөгөө эзэнгүй эсвэл онгорхой орхих.

   8. Зуслангийн эд зүйлийг эвдэж, гэмтээх, устгах.

   9. Бусдын эд зүйлийг зөвшөөрөлгүй авах /энэ нь хулгайд тооцогдоно/

 

ГУРАВ. ХАРИУЦЛАГА

1. Өөрийн буруугаас зуслангийн эд хөрөнгө, бусдад хохирол учруулвал, хуульд заасан хариуцлагыг өөрөө буюу эцэг эх, асран хамгаалагч, харгалзан дэмжигч нар хүлээнэ .

2. Өөрийн эд зүйлийг /гар утас ,тоглоом, үнэт эдлэл, бусад зүйлс/ бүрэн хариуцна. Өрөөгөө эзэнгүй эсвэл онгорхой орхиж явсан зэргээс эд зүйлээ алдаж, гэмтээсэн тохиолдолд зуслангийн зүгээс холбогдох арга хэмжээг авах боловч хохиролд хариуцлага хүлээхгүй.

3. Зусланд мөрдөгдөж буй дүрэм, журмыг зөрчсөн тохиолдолд сануулах, амрах эрхийг хасч буцаах хүртэл арга хэмжээ авна. /зардлыг буцаан олгохгүй/

4. Зуслангаас зохион байгуулсан хөтөлбөрөөс гадуур дур мэдэн тоглож наадсанаас бэртэж, гэмтсэн тохиолдолд зуслангийн захиргаа хариуцахгүй.